qo' bertlham

Suchtuv

qonta' 'Ivan turghenev

raSya' naw'watDaq, qach machDaq jIHtaH 'op ret 'e' vInaj.

'eS pa', 'ach tIn, 'ej wej Qorwaghmey lutu'lu'. nguv pa' reDmey, chIS. ravngI'mey lutu'lu'be'. qach tlhopDaq ghIr yav beQ, 'ej qachvo' ghangwI'Daq bejlu'taHvIS pagh leghlu'. DungDaq notron rur qIjbogh chal 'ej wovbogh.

jImobbe', pa'Daq mutlhej wa'maH nuvpu'. nap Hoch nuv, nap Sutchaj, 'ej QIt pa'Daq yIt, tam. junchuq, 'ach reH bejchuq mInDu'chaj Hoj.

«qatlh naDev jIHtaH?» HIt Hoch. «'Iv vItlhej?» latlh Sov pagh. bIt Hoch qabDu', QIl. QorwaghDaq ghoS ngIq nuv 'ej Hur bej. HurDaq ghach vay' 'e' pIHlaw'.

ghIq pa'Daq yItqa'. loDHom tu'lu', machqu'. rut ghogh nap lo', vIng 'ej jatlh: «vav, vIghIjqu'lu'!» vIngtaHvIS muDuQ, 'ej vIghIjchoHlu' je. mughIj nuq? vabDot 'e' vISovbe' jIH'e'. 'a nuchol tInbogh vay' 'ej mIghbogh 'e' vIjem.

'ach vIngtaH loDHom. 'o, mamejlaH vIneH! ngo' 'ej He'So' rewve'! Hurgh 'ej jotHa'moH! 'ach DuHHa' mejmeH Qu'.

nuqat chal. vabDot SuS tu'lu'be'! Heghlaw' rewve'.

paw' QorwaghDaq qet loDHom 'ej vIngbogh ghogh lo'taHvIS jach, jatlh: «yIbej! yIbej! chong'eghmoHpu' yav!»

«nuq? chong'eghmoHpu'?» 'a teH: 'eQ qach tlhopDaq yotlh beQ tu'lu'pu' – DaH HuD wochqu' DungDaq 'oHtaH qachvam'e'. ghIr ghangwI', nom pum 'ej nughIjqu', 'ej pa' retlhDaq chongbogh qoj Hurgh tu'lu'.

SIbI' QorwaghmeyDaq wIghoS. wIghIjlu'mo', joq 'e' lumev tIqDu'maj. jIH retlhDaq tlhup nuv, »yIbej, pa'! pa' 'oHtaH!» jatlh.

'ej yIbej! yav HopDaq chuS vay' tlhoD, Sal, ghIt 'ej Salqa' yu'eghmey mach.

«bIQ'a' 'oH!» nuchargh De'vam, pe'vIl bI'chu'. «tugh nuluSmoHchu'...! tInchoH 'ej ghIr 'e' mevjaj! qojvam SIchlaHbe'law'.»

'ach tInchoHlI'mo' 'ej ghIrlI'mo', nughIj. wejHa' machbe' vIHtaHbogh yu'eghmey Hop. jorchan Hoch ghep wa' yu'egh qu'.

nucholtaHvIS, pe'bIl rur. bIrqu' SachtaHbogh mIch 'oH yu'eghvam'e', Hoch tebtaH. qachDaq wal Hoch, 'ej pa' chuStaHvIS choltaHbogh Doj, wa'SanID 'uSqan nujDu' rur.

SuS! ghe'tor tlhen 'ej jach! jel je yav 'ej jach, ghIjlu'mo'.

qo' bertlham! bertlham qu'!

wa'logh vIngqa' loDHom... latlh vImuv 'e' vIHech, 'ach pay' maghomHa', yu'egh'a' chuS wIluS 'ej nutlhap. bIr; chuch rur, qIj; rItlh rur.

Hurgh...! Hurgh rIntaH!

tlhuHlaHghachwIj vIweSDI, 'ej – jIvem.

jar wej 1878.