porwaq

ben law' yIn be'. porwaq neH ghaj be', latlh ghajbe'. qay'meH 'ej qechmey nabmeH tlheD be'. yIt, yIt, qach legh. 'ej 'ej ghel, jatlh:

– naDev jIQong 'e' yIchaw'.

– luq, botmeH meq vIghajbe', jatlh DabwI'.

– porwaq vIghaj, nuqDaq vIlanlaH?

– quSlab bIngDaq porwaq DojDaq yIlan.

– Qo', Qo'. porwaq DojDaq vIlanQo', jatlh be'. – porwaqmey vIDuD vIneHbe'. qIt raywalDaq vIlan.

'ej ghIq raywalDaq porwaqDaj jaD. po tlheDrupchoHtaHvIS jatlh:

– toH, qIt vIghaj...

mIS DabwI':

– qIt 'oHbe', porwaq 'oH!

– qIt 'oH, qIt!

vaj qIt tlhap 'ej tlheD. yIt, yIt 'ej taw retlhDaq qach leghqa'.

– qaStaHvIS ram jIQong 'e' yIchaw'. net chaw'.

– qIt vIghaj, nuqDaq vIlanlaH?

– qIt raywalDaq yIlan.

– Qo', qIt raywalDaq vIlanQo', qItmey vIDuD vIneHbe'. DI'raq pa'Daq vIlan.

po Sop, tlhutlh, tlheDtaHvIS ghel, jatlh:

– nuqDaq 'oHtaH DI'raqwIj'e'?

– toH, DI'raq Daghajbe', qIt Daghaj.

– DI'raq 'oHbej, DI'raq. DI'raq bonobQo'chugh, maS ghelmeH jItlheD.

vaj DI'raq tlhap 'ej tlheD. yIt, qaStaHvIS wa' pem yIt, lengtaHvIS qach tu'qa'.

– jIQongmeH jI'el 'e' yIchaw'. tlhob be', qoD pawDI'.

– toH, yIQong. naDev DaqochlaH.

– DI'raq vIghajmo', nuqDaq vIlanlaH?

– DI'raq pa'Daq yIlan.

– DI'raqwIj, DI'raqraj vIDuD vIneHbe'. pa' vIlanQo'. tangqa' HuDyarDaq vIlan, tangqa'mey tlhejjaj.

po tlheDrupchoHtaHvIS jatlh:

– nuqDaq 'oHtaH tangqa'wIj'e'?

– 'a tangqa' Daghajbe', DI'raq Daghaj! jatlh DabwI'.

– tangqa' 'oHbej, tangqa'. tangqa'wIj bonobQo'chugh, maS, pem joq vIghelmeH vItlheD.

mIS DabwI', ghIj SoQvam. maS ghel vabDot 'e' Hech! tangqa' nobnISlu'. vaj tangqa' tlhap be' 'ej tlheD. yItqa', qaStaHvIS pem Hoch yIt. taw retlhDaq qach tu'lu'. tlhob:

– 'el QongwI' 'e' yIchaw'.

– yI'el, yI'el. yIQong.

– tangqa' vIghaj, nuqDaq vIlanlaH?

– toH, tangqa' HuDyarDaq yIlan.

– HuDyarDaq vIlanQo', tangqa'mey vIDuD vIneHbe'. Sargh pa'Daq vIlan 'e' vImaS.

po vemDI, DabwI' ghel, jatlh:

– nuqDaq 'oHtaH SarghwIj'e'?

– Sargh 'oHbe'bej, tangqa' 'oH!

– nuq? tangqa'? Sargh 'oHbej, Sargh! jatlh be', qapqu'.

vaj Sargh tlhap. 'aHra' tlhap je, DoylI', Sargh je rar 'ej SeDchoH. qorvIt ghom:

– jIlIgh 'e' yIchaw', be'!

– DoylI'Daq yIba'.

nItebHa' leng cha'. Hajvav lughom:

– be' naHHa', jIlIgh 'e' yIchaw'!

– DoylI'Daq yIba'.

DaH ba' wej. SeD, SeD, targh lughom:

– jIlIgh 'e' yIchaw', be'!

– DoylI'Daq yIba'.

tlheD loS. SeD, SeD, ngavyaw' lughom:

– Satlhej 'e' yIchaw', be'.

– vIchaw' vIneH, 'ach loQ Sulaw'. 'ach vISaHbe', DoylI'Daq yIba'.

DaH vagh chaH. SeD, SeD, mIl'oD lughom.

– jI'el vIneH je. yIchaw'. tlhob mIl'oD.

mIl'oD 'el je 'e' chaw' be'. SeD, SeD – Duy'choH HoqmeH naQ. naQ chu' SuqmeH Hajvav ngeH be'. pu'veng qem Hajvav. tlheD targh 'ej bartIq muj qem. tlheD ngavyaw'. Sor wochqu' qem. Qechjem'a' qargh qem, HoqmeH naQ mojlaHbe'.

– jItlheDnIS jIH'e', jatlh be'.

naQ SuqtaHvIS be', Sargh Hoch luSop Ha'DIbaHpu', ratlh DIr neH. ghIq DIr lutlhutmoH, luQammoH 'ej nargh. chegh be', SarghDaq Henjun Qach, 'ej pum Sargh.

SaQqu'choH be'.

– porwaqwIj vIweSpu', 'ej vIweSpu'pa', not latlh vIghajchu'.