dis 2020 pakvam ling lam àj sévir maljá

2020 pakvam lingmeh dib © doq desdú. hoc lingmeh dib luqanlú.

caboy

«hikim, caboy, sibí dakvamvó mahaẃnis jaý.»

pá bebdak wovtah wovmohwímey kuz. denis kávin hivjévó èt tamgay butháě lingbog bih. ras qohtah pos ródaj. meriy bustah. meriyě, denis bushátah. luvnup siqlaẃtah. kimmohmeh tusègmoh denis. gik múzeg jazpúbog jazkápú.

jangdí, «gg» neh jaz.

«jisag, caboy. majahnis. dah. dat cahtah ganìk yaspúě. nukop cah danehǎ? pijhá venghommey macdak beylímey luhejlútá. èj sibíhá hejwípú bopbog déě lugojcoh. cá hejwí túlú wejhá ě lusov. hung hasta tamey nuddí cah, gaytan laz dé lugoj: bé gah wá hejwíě èj lod gah laz hejwíě. gik gaytan laz dé luloycú: parmakkaypú cah cá hejwípúě nejlíbog. gik laz dé luloycú: venghom sung cahbé hejwípúě èj tawǎ rezdak mebpámey kachom lamdak raz hejwípú. gik kas nuk? bighádak wikemlú! vaj dahjaj mazed ě vicup. vabdot kak povam.»

zakdaj nud.

tup pus ret neh kaspú socvaz wámah vag rep.

dah ras qohkúcoh ródaj. tamtahmó meriy, mogkúcoh. àc paý jazkangcoh parmakkaydaj ě tulmó, tamcoh je denis. sibí pag jaz meriy. puk connaqdaj woh èj nujdajdak qim lududlúpúbog vev. gik decbog qé nud. logjaj òh jajvamě. Waffle House qévamdak sah hutvag. jawlú. joslú. niq soplú. dé cú gizmey lad kabdú pus. wá dé cú giz ladwí bus meriy. wijwíhey gah èj niteb ras tikdak bátah, dé cú gizdaj ladtahvis. dé cú gizdaj tenwal wádic ladlah: wej beylí hejwípú ngútá ganìk. mon meriy.

«mahejcútá, karǎ?»

«wej. huc wigaj à wikoplú ě wijunnis» jaz denis. wusdúdaj jojdak zic naq lan gik meq. por pur gik meriyvad zic naq nob. òh zap gah, pag jaztahvis. bushacmeydaj paqtah. kecmeydaj lus yabdaj ě yaj denis vaj tamtah èj sujqó. gik bushac kellíbog ngúlah paý ě zoj gah.

«à biyonbé, karǎ?»

kar ě gasmeh nacdaj zin tav meriy. «not» jaz. monkúcoh.

tocdaj lótahvis, nih mindaj yac denis. zic naq zapká èj pévil zic purká. nguy. ras sumdak bá bé, pukloddaj je ě tú. wejmah ben bogpú sos èj los ben bogpú puk ě noh denis. pukloddaj sopmoh ě nidkú bé.

«nah zag nehbé!» jaz puk, jactahvis.

jaz sos «yisop, pukwí! nom bisopnis! tug yahwij vijahniscoh gik kastahvis pem hoc nijih vavniòy, sosniòy je. cah dazej ě dativ karǎ?»

«gobé!» sopqó lodhom. tagá nujdaj posmohmeh gapkádaj ès ùc sos. à nosmohtá neh. pévilhá hag denis. wá tup kubbid meriy, kecmeydaj qob je lij ě lukasmoh sos, pukloddaj je. à gik narg meriy gop. zic naq nih. zic pur gik pá bebdak kabdaj qek.

veklarg gah qub denis, kehtahvis. nitebhá maseng èj mahes reh ě kap èj not gerìd kel. senghá not ě nid.

ben laẃ denis ngelpú meriy, sengwí gahmó. poymar gah. yin wanímey tivkúmó, rut pévil hagcoh veklargná rurtahvis. èj kabkúmó kecmeydaj, qaq bih.

dah denisvad wayàr neh òs meriy. qob.

rá denis. «nab daòglíbog yingú, meriy» jaz.

por purká meriy ě bej. tomtah nacdaj. yonmoh zic kú. soqcoh minyoddúdaj. qit tomhácoh nacdaj. poskádí mindaj, denis bushácú. tipkan jengvá dungdak zic naq lan èj poh ìk kubbid tipkan qeyhá tekmeh zic naq qoh, sikwídaj lótahvis.

denisvad zic naq nobhá èj jabwí rit.

«nukneh?» jaz jabwí.

jaz meriy «hivjémeymaj titebká. kávin wineh.» mon. àc montahvis buqwí rur; nahháwí ká.

jang jabwí. «lú» jaz. bitmohpú meriy monmeh hódos.

«dé cú giz visuk, cegtahvis gah» jaz meriy, mejpúdí jabwí. desdaj sic denis. bánismoh. jaznismoh. meknismoh jaý! à zoy nom vih meriy. wejhá rascaj, ras tik je cuk bid lidtá. dé cú giz ladlíbog wijwíheyě collaẃlí.

kuslabdajdak zé denis. kuslabdaj dub ùccoh.

suz wijwíhey, meriy je ě bej gah. tagá dé cú giz tenwal wádic, millog lutmey zaq tenwal je sukmeh cá zic naqmey mectá meriy.

qit ceg, popdaj kengtahvis. rasdak cá tenwalmey suktábog roq èj báká.

millog lutmey zaq tenwal woh èj ladcoh.

«va, heswí qiv soh ě dazojǎ? kec dojmey daògtah à gerìd dadigmeh dup dakelqó! bibátah neh èj bitamtah neh èj dé cú gizlij dalad neh! èj kaý pag bijáèg à tehbébá!»

jangqó meriy. Bruce Rocket, Spaceman bus; pakǎ ladbog maklegě rur.

nguyká denis. ceg jabwí. hivjémeycaj teb gah.

«zó» jaz denis. mú rap jaz meriy àc dactah. dah Garfield, Odie je bopbog millog lut ladlí.

kastahvis lupmey pus kávin bustah neh denis. òhvó òkhátah ses. gik nom hivjédaj woh èj kávindaj bid zuz; pévil bícú. kávindaj nihmeh paw vaý ě har gah zos ě har vaý, wanívam legpúcug. caykádaj meq kávin tuj zuzpúbog. logòbdaj kip.

«èq senglijě daàg» jaz meriy. zaq wanívam ě harlaẃ. «bilug: támey viturbog vikelkúbé. vabdot jivangpá, jimekqó. jivang neh. àc jisudrup. qob vilaj. cak gerìd kab visiq ě vilaj. jijak, jihesdí pag lod vi- …» jaz paý ě mev. geddaj nudkúlíbog rur. tagá jazká: «… pag porglijvó sutlij vivirgdí biìhkúmó.» wusdaj ès cop.

jokkú denis tik. tu.

jazká meriy: «senglijě: zoy gerìd dakel. bimektahvis èj gerìd dakeltahvis, wuk jakwípú, vawwípú je—gantoh: jih—gik nidev cah ě dalaj neh; kovij maz darur. sabdí hoc, lazpú dapic. jingoýhá cojá.» paý puncoh èj tamcoh gogdaj. qoycúmeh loq rodaj zin lavmoh denis. «cak bilug. à jiwiv jihě. jingoýhá ě viwiv. karǎ? jisud ě viwiv jaý. sohě, nidev lazpú. bihosgajhá. kavup.»

múzegdaj van meriy. zepqédaj zin gup denis. millog lutmey zaq kimká meriy. dé cú giz tenwal wádic woh denis. wolhámohtá èj rasdak beqmohtá.

òhdak múmeyvam lad:

FORT BEAUREGARD GAZETTE

dis 1989 jar 2 jaj 15

per bingdak òswípú gom qang ě cá millog. millogvam rezdak múmeyvam gizlú:

wej beylí hejwípú ngútá ganìk

dé gizhom bíres ladtá:

parmak lop jaj Fort Beauregard beylí wádic luhejtá cá kabdú:

wáhú—jar 2 jaj 14—Fort Beauregard beylí luèl cá heswípú. beylí toýwí buqmeh hic qactá èj kabdúcaj sómeh Richard Nixon kab òsbog kab jecmeyě tuqtá. porgcaj túkom sómeh kimrok bir wepmey karg tuqtá hejwípúvam …

guýcá qub denis. wepmeymaj …

«gizhomvam yikim» jaz. meriy millog lutmeydak tenwal wádic lan.

«nuk? Bush? qang bopbog déě visahb—»

«yitbog nobmedvez viricbé ě dasovcú jaý! mahě nubopbog gizhom viric, caboy.»

tenwal woh meriy èj ladcoh. hag. «parmak lop hejwípú nupong. ìh karǎ? venghommeyvam mac dé cú gizmey vi- …»

«mevyap! wepmeymaj viric, tods—» mevèg. qucdajdak gos wá suynij ònros.

«bimevègtá, bidó.»

nacdaj zin tav denis. «reh laz kabdak kul tuj laẃhoc tuj pus. ji- … wepmey bopbog múzeg yikim neh.»

«kaý nuk?» jim. gik kávindaj tuj bid zuzcú; pévil bícú. loq doj wanívam ě tú denis. gik tavèg. busègkámoh. jaz:

«meriy! dakmaj yikel! jorjadak mahtah jaý! nadev kimrok bir wepmey karg gaj nuv àr? kerjik rur dakvam mudě! kastah jar cá èj jajvam cávaz vag geh jaý! novpú cah beylí hejwípúě tug ě zoj ganìk. vabdot wejhá per ècletmey nov gajbog puh dujmey nejlí ganìk ě vinoh. gaytan wejhá mebpámeydak nunejlí … cak wejhá mebpámeymaj vúwí luyútá èj meb tameydaj nudtá. mac venghomvam. nom nusam. sibí mazednis. nukoptámó pag, madó.»

denis èmdak wab pun ling vaý. wab pun mung sovmeh zé denis. pá qam ganìk yas. deghomdaj bocmoh tamgayě buthá lulingtahbog pá beb wovmohwímey. tin locdaj, cordaj je. kogdaj luùctah hosgajlaẃbog gopdúdaj. kogdajvó zep hic vah sibí ě tú denis.

«pag torsiv yiòg; penepqó. hocě viqoypú» jaz. «hocě. qévam boèldí èj sujawcohdí, saìjcoh. sujum sibí ě visov, salegpúdí. jum sutraj, jazmeh hódosraj je. èj suzup; quswí borur. èj—toh! wáhú neh beylívez hejlútá vaj sadakcoh.»

piz. kastahvis niqcaj hoc, gerìdcaj lurictah meriy, denis je èj tagá hesmeycaj gerìd ludig. nuk lutálah? jeylahbá neh cah. nacdaj zin tav denis. jazèg «guý, denis, sengvamvó bihaẃlahbé.» gik ganìk yasvad jaz: «lú, yas, ma—» àc gah kag meriy. nom hú parmkaydaj. kuslabdajdak qam.

zé denis. hicdaj zin qiktá meriy. gécúpú. jothá. nas. hádibah rurcoh. vaý buthá rur. taq. rewvé cop èj gugug. poskúcoh mindúdaj. yasdak hicdaj bac. kiptá. yas qidtá. pum yas.

«caý?!—» jazcoh denis. àc ngug kuslabdajvó sup meriy. ganìk yas riqvó ngaqhámohwímey nihtá gik dilmeh yah goscoh. rascaj, dilmeh yah je cuk lidtahvis, hoc jusbog buq. tagá kávincaj èy jabtábog jabwídak qekcoh.

«huc àpló daposmohbécug, vaj biheg jaý!» jaz, jactahvis. veklarg gah …

lob jabwí. huc àpló posmohpú èj meriyvad hoc huc ngasbog nobpú. cávaz dálarmey lutúlú.

huc suktádí, dilmeh yah dohcoh. qit qé èlmeh lojmit col.

«cozejǎ, denis?» zob, niq sopwípú yaýdak hicdaj qektahvis.

luphom kubbid mek denis. gik: «gobé. not kazejká, maẃwí ìg.»

seng yap dig ě wuk. maẃ meriy àc lug: wivmeydaj zin turniscoh. niteb hesmeydaj gerìd dignis.

«nucǎ! daynguh dahuz!» jaz, qé mejtahvis. lojmit vegtádí, caldak hicdaj qek èj wejlog bac. ganìk yas puh duj lojmit posmohmeh ngaqhámohwí nihtábog lótá. gik yongtá èj sedcoh. tug zá cá ganìk puh dujmey.

kávindajdak qekègká denis. òýmó bep sumbog ganìk yas riq èj zup laz niq sopwípú zos ě bushácú. cac duj ritmeh gog hablí ló jabwí— «qidtá hejwí! cac dujě dah yingeh!»

millog lutmey zaq summoh denis. hagmoh Garfield, Odie je, Bruce Rocket je bopbog lutmey. ben àr lut zaq ladpú? kawlahcúbé.

dah zab.

piz